Aksident tragjik në Itali, vdesin dy shqiptarë
19/07/2017 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Një aksident tragjik ka ndodhur pasditen e së martës në Itali. Mediat italiane njoftojnë se dy shqiptarë kanë humbur jetën pas përplasjes fatale mes një kamioni dhe një furgoni.
Përplasja ishte aq e fortë sa dy shqiptarët të moshës 37 dhe 39-vjeç kanë humbur jetën në mënyrë të menjëhershme, ndërsa një tjetër person ka mbetur i plagosur, por edhe ai në gjendje kritike për jetën.
Furgoni, ku ishin tre punëtorë shqiptarë po ecte drejt rrugës Melona, por është përplasur në kryqëzim me një kamion, i cili kishte në bord dy persona.
Përplasja mes automjeteve ishte e shpejtë dhe tragjike. Kamioni pasi goditi furgonin u përplas me një shtyllë elektrike.
Në vendngjarje shkuan forcat e policisë, ambulanca dhe një helikopter i emergjencës.
Top Channel
