Sony i jep lamtumirën Betamax-it

Sony bën të ditur gjithashtu se nuk do tëbëjë më dorëzime të kasetave Micro mv, të përdorura në videokamera. E fundit e këtij lloji është prodhuar me 2005.

Kolosi japonez lançoi Betamax më 1975-ën. Ky format, me videokaseta dhe videoregjistrues kompatibël, ishte paraardhësi i “on demand”, sistemi lejonte për herë të parë të shihje një film në shtëpi në momentin që ti dëshiroje dhe mund të regjistroje dhe një program televiziv.

Megjithatë, kasetat Vhs, që dolën një vit më vonë ishin më të mira për shkak të elementëve teknike, por mbi të gjitha për zgjedhjet e shtëpisë prodhuese, JVC.

VHS kishin një kohëzgjatje më të madhe, 4 orë nga 1 dhe pak që e kishte Betamax, dhe JVC vendosi t’i japë liçencën e prodhimit të Vhs të gjitha industrive që dëshironin të prodhonin videoregjistrues. Në këtë mënyrë ra shumë çmimi i aparaturave, dhe konsumatorët nisën ta preferonin më shumë.

Për më tepër, mbi formatin e Sony nisi një betejë ligjore. Universal Studios dhe Disney kishin hapur një çështje mbi mundësinë që përdoruesit mund të regjistronin materialet me të drejtë autori. Vetëm në 1984 videoregjistruesi u deklarua ‘i pafajshëm’ për piraterinë, por VHS tashmë kishte fituar. Betamax u përdor vetëm për përdorim profesional.

Top Channel