Rama takon Dulen
04/04/2013 01:10
Zbulohet kallëzimi i drejtorit të Trajtimit të Kredive: Burri i ministres më goditi me thikë. Reagon Policia: Dosja në Prokurori për ‘goditje për shkak të detyrës’
26/04 23:26
Edi Rama nuk e ka ndalur aktivitetin politik në konsolidimin e koalicionit të majtë, pavarësisht pranimit të ftesës nga Ilir Meta, pasditen e së mërkurës.
Për rreth dy orë, Rama ka bashkëbiseduar me kreun e PBDNJ-së, Vangjel Dule, në një prej lokaleve të Tiranës.
Gjatë të gjithë kohës, Dule ka mbajtur shënim, ato që duhet të kenë qenë propozimet e Ramës, për ta patur edhe partinë e tij pjesë të koalicionit të majtë.
TCH: A mund të themi se keni patur negociata të suksesshme me zotin Dule për të patur koalicion?
Rama: Zotin Dule e kam mik të kahershëm dhe do ta kemi mik gjithmonë, ndaj dhe nuk ulemi vetëm për negociata, por ulemi edhe për qejf.
Por a do të mjaftojë miqësia e shprehur nga Rama, që Dule t’i bashkohet koalicionit PS-LSI? Kjo mbetet për t’u parë në ditët në vijim.
Gjatë një interviste për Top-channel, Vangjel Dule shprehu pakënaqësi në adresë të liderit të PS-së, duke pohuar se PBDNJ është duke studiuar ofertat e ndryshme për koalicion.
Dhe, një e tillë nuk ka munguar nga kryeministri Berisha, i cili, nga konferenca për shtyp e së martës, e ftoi Dulen të jetë pjesë e koalicionit qeverisës.
Top Channel
