Vrau klientin, dyshonte se i ngacmonte gruan
24/09/2012 00:00
Hetimet në Kadastër/ GJKKO jep masat për katër punonjës, detaje nga aksioni i SPAK, kush ra në prangat e policisë (Emrat) 26/04 23:37
Vrau një klient të përhershëm të lokalit të tij, pasi dyshonte se i
ngacmonte gruan, tashmë do të përballet me akuzat e vrasjes me
paramendim. Gentian Liçaj, 36 vjeç, banor i fshatit Buzëmadh të Komunës
së Cakranit në Fier, akuzohet nga prokuroria për ekzekutimin e Ylli
Kalemajt, ish-rojës së materialeve të kompanisë që ndërtonte autostradën
Levan-Damës vitin e kaluar.
Grupit hetimor, i kryesuar nga prokurorja Elsa Miha, i është dashur jo pak punë që të identifikojë Gentian Liçajn, mes të dyshuarve për vrasjen e Ylli Kalemajt. Dyshohet se Liçaj e kishte planifikuar mirë skenarin e krimit të tij.
Por, është “tradhtuar” nga kontradiktat që ka pasur dëshmia e tij nga ajo e bashkëshortes. Pas kësaj kontradikte, prokuroria ka urdhëruar përgjimin ambiental dhe të bisedave telefonike të të dyshuarit dhe bashkëshortes, prej nga kanë siguruar prova, që e kanë detyruar të pandehurin Liçaj të rrëfehet për të disatën herë para hetuesve, duke dhënë më në fund versionin që dyshohet të jetë më afër së vërtetës.
Top Channel
