Lushnje, plagosen dy persona me armë zjarri
20/08/2012 14:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Ndërtimi i një objekti ngjitur me një pallat në lagjen “Loni Dhamo” në Lushnje ka qenë shkak i një ngjarjeje të rëndë sot.
Arben Zdrava, banor në pallat, është konfliktuar me pronarët e ndërtimit të cilët kanë përfituar një leje ndërtimi disa vite më parë dhe kanë nisur ndërtimin e oblektit.
Por ndërtimi i tij i ka bllokuar të gjithë pamjen tre kateve të para të pallatit duke i lënë në errësirë të plotë.
Ky ka qenë dhe shkaku i lindjes së debatit. Pronarët e objektit kanë debatuar e më pas e kanë rrahur Zdravën.
Më pas ky i fundit ka shkuar në shtëpi dhe ka marrë një armë zjarri të tipit çifte dhe ka qëlluar mbi pronarin e objektit, Caush Caushi, 64 vjeç.
Nga të shtënat është plagosur dhe një kalimtare: Vilma Qole, 24 vjeç.
Të dy të plagosurit kanë marrë plagë, por janë jashtë rrezikut për jetën. Policia ka shoqëruar autorin e ngjarjes së bashku me armën.
Top Channel
