Delvinë, zjarri kërcënon banesat
08/08/2012 00:30
Edhe Delvina, ka hyrë në hartën e tokave që përfshihen nga zjarri në këtë verë përcëlluese, teksa një vatër zjarri ka djegur sipërfaqe të mëdha me pisha dhe ullinj.
Vatra e zjarrit ishte shumë pranë banesave të qytetit dhe situata me kalimin e minutave u bë alarmante.
Për fikjen e zjarrit u angazhuan zjarrfikës nga Delvina, Saranda dhe Gjirokastra. Zjarrfikësit u përpoqën të ndalonin që flakët të shkonin në drejtim të banesave.
Ndërkohë një vatër e dytë zjarri në Delvinë ishte regjistruar 2 orë më parë në fshatin Vllahovë.
Terreni i vështirë u krijoi mjaft pengesa zjarrfikësve për fikjen e zjarrit.
Top Channel