Omonia nis vetëregjistrimin

Këshilli i Përgjithshëm i kësaj organizate, i mbledhur të shtunen në Sarandë ka marrë vendimin për këtë regjistrim duke miratuar edhe një draftformular që do të përdoret. Dokumenti i siguruar nga Top Channel do t’i shperndahet gjithe minoritareve dhe regjistrimi do te nise ne 23 korrik e do te perfundoje per Krishtlindje.
Kryetari i kesaj organizate, Vasil Bollano ne nje interviste telefonike tregon arsyen e ketij veprimi.

“Edhe në vitin 2001 pati konseguenca me mënyrën e përgatitjes dhe është i njohur tashmë qëndrimi ynë. Edhe në vitin 2011 nuk u bë e mundur që të kemi një proces, i cili do të zgjidhë problemet dhe kur themi do të zgjidhë problemet, nënkuptojmë që të jetë një proces i besueshëm, por nga ana ligjore se si ndërtohet ky proces, por edhe nga ana praktike, se si realizohet”, tha Bollano.

Bollano thote se te njejtin qendrim kane edhe minoritetet e tjera etnike dhe linguistike, por edhe komunitetet fetare, qe nuk e kane pranuar censusin. Ai shton se edhe relacioni i Keshillit te Europes, e cileson procesin te deshtuar dhe pabesueshem. Bollano thote se procesi dhe rezultatet jane te pabesueshme per Omonian.

“Jo, nuk është e vërtetë që ne nuk njohim institicionet, por ne kritikuam dhe nuk mund të pajtohemi me mënyrën e realizuar të këtij procesi. Patjetër përpjekjet tona ishin me institucionet shqiptare, me organizmat ndërkombëtarë, që mbështesin ekonomikisht dhe për zhvillimin demokratik të vendit, por nga ana e institucioneve përkatëse nuk pati një reagim pozitiv”, tha Bollano.

Baza ligjore per nje regjistrim paralel, per Bollanon, eshte e drejta e Omonias, e cila eshte regjistruar ligjerisht ne gjykate.

“Ky është një regjistrim, i cili nuk prek interesat e individit, por patjetër organizata e Omonias, për të regjistruar komunitetin e saj është një çështje që e ka në program dhe statut, që në themelimin e saj”, tha Bollano

Po sa i besueshem eshte ky proces?

“Eshtë e drejta jonë si organizatë politike e njohur, që funksionon me njeoprogram dhe statut të miratuar. Ne pritëm të realizohet një regjistrim popullsie në nivel kombëtar. Përderisa ishte e pamundur, që shpresojmë në të ardhmen do të kryhet një proces i drejtë që do të zgjidhë problematikat, ne të ndodhur përpara këtij fakti realizojmë regjistrimin e anëtarëve të komunitetit tonë”, tha Bollano.

Ky proces pritet te kete hape polemika te shumta dhe te forta ne vend.

Top Channel u interesua per nje reagim zyrtar nga qeveria shqiptare, burime te se ciles deklaruan se te vetmet te dhena zyrtare qe qeveria dhe shteti shqiptar njeh jane ato te censusit te realizuar ne 2011. Per qeverine shqiptare cdo regjistrim tjeter eshte thjesht formal, pasi ne nje vend demokratik çdo organizate apo individ eshte i lire te realizoje çdolloj procesi verifikimi, qe e sheh te arsyeshem, por qe nuk njihen aspak si te dhena zyrtare.

PDIU reagoi kundër deklarateve të Bollanos. Sipas saj Bollano dhe Dule duan të baltosin procesin e censusit, ende pa u publikuar rezultatet.

“Amendamentet e propozuara nga PDIU në ligjin për censusin shqetësuan të gjitha qarqet anti-shqiptare. Menjëherë pasi këto dy amendamente u miratuan, Ballano, Dule dhe kompani të gjithë ata që kishin ushqyer orekse shoviniste u hodhën në sulm kundra këtij censusi, kundra këtij regjistrimi të popullsisë. Madje ata fërkuan duart edhe u gëzuan kur edhe ndonjë parti politike shqiptare ndërmorri hapa ndaj këtij procesi. Përpjekjet e tyre janë në vazhdën e përpjekjeve të nisura më herët për të hedhur baltë mbi këtë proces i cili ende pa i dhënë rezultatet e veta zyrtare paragjykohet sepse këta njerëz kanë ushqyer të tjera ide dhe të tjera orekse ndaj procesit që në nisje të tij”, deklaroi sekretari politik i PDIU-së, Ardian Tana.

Top Channel