Vrasja në Berat, pranga autorëve
27/03/2012 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Janë arrestuar mëngjesin e sotëm autorët e ngjarjes së rëndë të ndodhur
mbrëmjen e djeshme në Rrethin e Beratit, ku si rrjedhojë e grindjes mes
pjesëtarëve të dy familjeve mbeti i vdekur një person dhe u plagosën dy
të tjerë.
Në orët e mbrëmjes së të hënës, Gëzim Protoduari, 44 vjeç, nga fshati Poshnje i Rrethit të Beratit humbi jetën pasi mbeti i plagosur rëndë me një mjet të mprehtë, thikë. Gjatë kësaj ngjarjeje ka mbetur gjithashtu i plagosur vëllai dhe djali i viktimës.
Policia e Beratit njofton se ka arrestuar dy autorët e ngjarjes, të cilët janë Bedri dhe Besnik Ibrahimi, 44 dhe 48 vjeç, banorë të të njëjtit fshat me viktimën.
Dy autorët akuzohen për vrasjen me dashje të Gëzim Protoduarit dhe plagosjen e djalit dhe vëllait të tij. Nga hetimet paraprake mësohet se sherri ka nisur nga fëmijët e dy familjeve dhe më pas ka degjeneruar me përfshirjen edhe të prindërve të tyre në të, duke përfunduar në mënyrë tragjike.
Top Channel
