Ministri i Drejtësisë, Eduart Halimi dhe ai i shëndetësisë, Petrit Vasili kanë firmosur një memorandum bashkëpunimi për krijimin e kushteve dhe standardeve për trajtimin e të dënuarve që kanë probleme me shëndetin mendor.
Halimi u shpreh në fjalën e tij se memorandumi parashikon angazhimin e të dy ministrive për gjetjen e financimit dhe ngritjes se një qendre më vete për trajtimin e të dënuarve që kanë probleme mendore.
Ndërsa Ministri i Drejtësisë, Eduart Halimi theksoi faktin se trajtimi i të dënuarve me probleme mendore përbën edhe një nga rekomandimet e Bashkimit Europian për Shqipërinë.
Më pas të dy ministrat kanë firmosur memorandumin e bashkëpunimit, i cili shumë shpejt do të duhet të realizojë konkretisht angazhimet që parashikohen.
Top Channel