Mjeket: Goditjet ne koke nuk duhen neglizhuar

Rasti i aktores Natasha Richardson, e cila nga nje rrezim i thjeshte ne ski, kaloi ne koma dhe humbi jeten, eshte shnderruar ne ceshtje te madhe nga televizioni amerikan CNN.

Si fillim, ajo ishte ndjere mire duke bere madje edhe shaka me instruktorin, por me pas me te shkuar ne dhome 1 ore me vone, iu shfaqen edhe problemet e para. Sipas mjekeve, ne raste te tilla nevojitet trajtim i menjehershem, pasi demtimet e trurit shpesh jane te pakthyeshme.

Carmelo Graffagnino, drejtues i nje qendre mjekesore ne Duke University, deklaroi per CNN se eshte e zakonshme qe dikush qe ka rene, ose ka pesuar nje aksident ndihet i kthjellet pas perplasjes, por papritur gjendja perkeqesohet menjehere.

E njejta gje ndodhi me aktoren Richardson, qe fliste dhe qeshte pas aksidentit, por me t’u kthyer ne dhome ajo nisi te ankohej per dhimbje te tmerrshme koke. “Pacienti mund te duket fillimisht normal. Por ne fakt mund te kete ndodhur gjakderdhje ne tru. Demtime te tilla quhen hemorragji epidurale”, shpjegon mjeku. Patientet shpesh nuk arrijne ta kuptojne se kane pesuar fraktura te kafkes, pasi ato shfaqen kryesisht pas veshit.

Raste te tilla njihen ne mjekesi me sindromin “flas dhe vdes”, pasi perkeqesimi eshte shume i shpejte. Simptomat mund te shfaqen 5 minuta deri ne 3 ore pas aksidentit.

Top Channel