Zinedine Zidane dhe Claude Makelele te Real Madrid. “Pse duhet lyer Bentley me një tjetër shtresë floriri kur të mungon motori?”. Kjo frazë e Zidane e përmbledh më së miri atë që përfaqësonte Makelele për mesfushën e Real Madridit. Pasi merrnin duartrokitjet e publikut, të gjithë “Galactico”-t falenderonin mesfushorin francez që me punën e tij të palodhur i lejonte ata të shkëlqenin. Zizou dhe Makelele luajtën te Reali vetëm në periudhën 2001-2003, por mjaftoi për të fituar një titull kampion, një Champions League, një Superkupë Europiane dhe një Kupë Interkontinentale.