Norvegjezi Rohit Sagi ishte protagonist në dy ndeshje me rezultate të pazakonta. Ai gjykoi fitoren 1-9 të Comos ndaj Lensit dhe nëntë ditë më vonë ishte në fushë për humbjen 7-0 të Greqisë ndaj Holandës.
Një rastësi e rrallë ka lidhur dy ndeshje të zhvilluara në harkun kohor të vetëm nëntë ditëve. Bëhet fjalë për gjyqtarin norvegjez Rohit Sagi, i cili ka qenë dëshmitar i 17 golave në dy përballje që përfunduan me rezultate të jashtëzakonshme.
Më 13 nëntor, Sagi ishte arbitri kryesor në Amsterdam, ku Greqia u turpërua nga Holanda, duke u mposhtur me rezultatin e thellë 7-0 në ndeshjen e vlefshme për Ligën e Kombeve. Por vetëm nëntë ditë më parë, më 4 nëntor, gjyqtari norvegjez kishte qenë në Francë, ku drejtoi sfidën mes Lensit dhe Comos, që përfundoi me fitoren spektakolare 1-9 të skuadrës italiane.
Një tjetër lidhje mes dy takimeve ishte sulmuesi grek Tasos Douvikas. Futbollisti i Comos shkëlqeu ndaj Lensit, duke realizuar tre gola, ndërsa në Amsterdam përjetoi një mbrëmje krejtësisht të kundërt me fanellën e përfaqësueses greke.
Megjithatë, seria e ndeshjeve me shumë gola për Rohit Sagin nuk ndalet këtu. Një muaj më parë, më 13 tetor, ai kishte gjykuar edhe përballjen mes Interit dhe Club Brugge, e cila përfundoi 3-4 në favor të belgëve. Kështu, në tri ndeshje brenda një muaji, arbitri norvegjez ka qenë në fushë gjatë përballjeve që prodhuan plot 24 gola.
Top Channel
