Papa Leo XIV bëhet i pari në histori që voton në zgjedhjet amerikane, hedh votën me postë në Illinois

Lajmi u konfirmua nga Vatikani, i cili bëri të ditur se Papa, i lindur në Çikago me emrin Robert Prevost, kishte dërguar fletën e votimit përpara zgjedhjeve të 3 nëntorit në shtetin e Illinoisit.

Sipas zyrës së shtypit të Selisë së Shenjtë, Leo XIV e ka ushtruar të drejtën e tij si qytetar amerikan sa herë që ka pasur mundësi. Ai ka votuar edhe gjatë kohës kur jetonte në Peru, ku shërbeu si misionar dhe më pas si peshkop për më shumë se 20 vjet.

“Ati i Shenjtë shpreh besimin e tij në të drejtën dhe detyrën e qytetarëve për të marrë pjesë në proceset demokratike”, thuhet në deklaratën e Vatikanit.

Vota e Papës u raportua fillimisht nga gazeta “Chicago Sun-Times”, e cila citoi një zyrtar të administratës zgjedhore të Qarkut Will. Sipas tij, Papa kishte kërkuar një fletë votimi me postë më 3 tetor. Megjithatë, nuk është bërë e ditur se si e dorëzoi atë.

Të dhënat zgjedhore tregojnë se Robert Prevost ka marrë pjesë në pesë zgjedhje paraprake që nga viti 2000. Në dy raste ka kërkuar fletë votimi demokrate dhe në tri të tjera republikane. Këto të dhëna nuk tregojnë se cilët kandidatë ka mbështetur, ndërsa në zgjedhjet e përgjithshme votuesit nuk janë të detyruar të deklarojnë preferencën e tyre partiake.

Ndërkohë, Papa ka marrë pjesë në pothuajse të gjitha zgjedhjet e përgjithshme që nga viti 2000, me përjashtim të atyre të viteve 2020 dhe 2022.

Vota e Papës vjen në një periudhë kur marrëdhëniet e tij me presidentin amerikan Donald Trump kanë njohur disa përplasje publike.

Pope Leo XIV has voted in the midterm elections of the United States, expressing his “belief in the right and the duty of citizens to participate in democratic processes.”

The Holy See Press Office announced on Friday that Pope Leo XIV, an American citizen, "has exercised his right to vote as a United States citizen, whenever he was eligible to do so."

The Press Office confirmed that, “in keeping with this long-standing practice of civic participation, he has submitted his mail-in ballot in Chicago.”

“The Holy Father has also confirmed that, during his years of residence in Peru he exercised his right to vote whenever he was eligible to do so,” noted the statement.

— Vatican News (@VaticanNews) October 30, 2026

Që prej zgjedhjes së tij në krye të Kishës Katolike, Leo XIV ka kritikuar luftën SHBA-Izrael kundër Iranit dhe ka bërë thirrje për trajtim dinjitoz të emigrantëve. Qëndrimet e tij kanë shkaktuar reagime nga Trump, i cili më herët e ka cilësuar Papën si “të dobët” dhe “peng të së majtës radikale”.

Duke iu përgjigjur kritikave të presidentit amerikan, Papa deklaroi gjatë një udhëtimi në Algjeri se nuk kishte frikë nga administrata Trump dhe se do të vijonte të shprehte mesazhin e Ungjillit.

Ai theksoi gjithashtu se do të vazhdonte të kundërshtonte luftën dhe të promovonte paqen, dialogun dhe bashkëpunimin mes shteteve. Megjithatë, gjatë muajve të fundit, përplasjet publike mes dy figurave janë zbutur.

Top Channel