Putin pret liderët e Iranit dhe Katarit nesër në Moskë, takimet pas Forumit të Vendeve Eksportuese të Gazit 26/10 17:09
Skema e ngjyrave
Madhësia e shkrimit
Holanda planifikon të shkurtojë rreth 20% të vendeve të punës në sektorin publik gjatë dekadës së ardhshme, në një përpjekje për të rritur efikasitetin e administratës dhe për të kursyer rreth 3.5 miliardë euro.
Sipas planit të qeverisë, numri i punonjësve në administratën publike pritet të reduktohet me rreth 25 mijë vende pune me kohë të plotë gjatë 10 viteve të ardhshme.
Një rol të rëndësishëm në realizimin e këtij objektivi pritet të ketë edhe Inteligjenca Artificiale. Qeveria holandeze ka bërë të ditur se do të paraqesë plane të detajuara deri në tremujorin e parë të vitit 2027, për të përcaktuar mënyrat se si teknologjia mund të ndihmojë në uljen e kostove dhe përmirësimin e efikasitetit të administratës.
Nisma vjen pas përpjekjeve të ngjashme të ndërmarra nga qeveritë e mëparshme, të cilat kanë synuar kufizimin e madhësisë së sektorit publik.
Megjithatë, pavarësisht objektivave për reduktimin e numrit të nëpunësve civilë, administrata publike holandeze ka shënuar një rritje të konsiderueshme të punësimit vitet e fundit. Që nga viti 2018, janë krijuar rreth 46,500 vende të reja pune, duke e rritur fuqinë punëtore me afërsisht 40%.
Plani i ri synon të ndryshojë këtë prirje, duke e orientuar administratën drejt një strukture më të vogël dhe më efikase, me përdorimin e teknologjisë si një nga instrumentet kryesore për uljen e shpenzimeve publike.
Top Channel
