Arsenali dhe trajneri Mikel Arteta kanë marrë një lajm të keq pas ndeshjes ndaj Bayern Munich.
Ylli anglez Bukayo Saka ka pësuar një dëmtim që, sipas raportimeve, mund ta mbajë jashtë fushave për 6 deri në 8 javë, duke i shkaktuar një mungesë të rëndësishme skuadrës londineze.
Dëmtimi i Sakas u shfaq gjatë përballjes mes Arsenalit dhe Bayern Munich, e cila përfundoi në barazim 2-2 në transfertë, në kuadër të javës së tretë të fazës së ligës së Champions League.
Sulmuesi anglez u detyrua të largohej nga fusha për shkak të shqetësimeve fizike, duke ngritur menjëherë pikëpyetje mbi gjendjen e tij dhe kohën e rikuperimit.
Sipas informacioneve të publikuara nga mediat greke, 25-vjeçari pritet të mungojë për të paktën gjashtë deri në tetë javë. Nëse ky afat konfirmohet, Arteta do të duhet të gjejë alternativa për të mbuluar mungesën e një prej lojtarëve më të rëndësishëm të skuadrës.
Mungesa e Sakas do të ishte një problem i madh për Arsenalin, duke pasur parasysh rolin që anësori anglez ka në fazën sulmuese dhe ndikimin e tij në lojën e skuadrës.
Trajneri Mikel Arteta mund të detyrohet të riorganizojë repartin ofensiv për ndeshjet e ardhshme, në një periudhë kur kalendari përfshin përballje të rëndësishme në kampionat dhe në kompeticionet europiane.
Saka ka qenë një nga lojtarët kryesorë të Arsenalit në sezonet e fundit, falë aftësisë për të krijuar raste, për të shënuar dhe për të bërë diferencën në ndeshjet vendimtare.
Top Channel
