Protesta e zhvilluar sot në qytetin e Lezhës është mbyllur, ndërsa gjatë saj u shkaktuan dëme në disa hapësira publike.
Rreth 50 të rinj morën pjesë në protestë. Gjatë tubimit, u tentua disa herë bllokimi i qarkullimit rrugor në akse të ndryshme të qytetit, duke ndezur zjarre në rrugë. Gjithashtu, drejt uniformave blu u hodhën vezë dhe shishe uji.
Protestuesit dëmtuan kosha mbeturinash, tabela sinjalistike dhe kangjella anësore të trotuareve. Dëmtime pësoi edhe libri i Gjergj Fishtës, monument i vendosur në qendër të qytetit, i cili u shkatërrua gjatë protestës.
Pavarësisht incidenteve dhe dëmeve të shkaktuara, protesta në Lezhë u mbyll e qetë.
Ndërkohë, në Kurbin, një bombë molotov u hodh brenda oborrit të bashkisë, ndërsa në Rrëshen disa protestues bllokuan një pjesë të autostradës.
Top Channel
