Egnatia kërkon dominimin në Shqipëri dhe ëndërron Champions League, koeficienti që ngjall shpresë 15/10 15:32
Skema e ngjyrave
Madhësia e shkrimit
Oliver Bierhoff, ish-sulmuesi i Milanit dhe ish-menaxheri i kombëtares gjermane, ka komentuar rritjen e Nicolò Tresoldit, duke e cilësuar talentin e ri si një futbollist që mund të zgjidhë problemet e Gjermanisë në repartin ofensiv.
Në një intervistë për gazetarin Martin Volkmar të ProSieben, Bierhoff foli për zhvillimin e sulmuesit, zgjedhjen mes Italisë dhe Gjermanisë, si dhe mundësinë që në të ardhmen ai të veshë fanellën e Milanit. Bierhoff vlerëson se Tresoldi ka bërë hapa të rëndësishëm përpara, veçanërisht pas eksperiencës së tij jashtë Gjermanisë. Sipas tij, sulmuesi është forcuar fizikisht, ka fituar më shumë besim te vetja dhe ka treguar se mund të përballojë nivelet më të larta të futbollit ndërkombëtar, duke shënuar edhe në Champions League.
“Nëse vazhdon kështu, mund të zgjidhë problemin e sulmuesve te kombëtarja gjermane”, u shpreh Bierhoff, duke theksuar se Federata Gjermane e Futbollit është tashmë në kontakt me lojtarin. Ish-sulmuesi i Milanit nuk e fsheh dëshirën që Tresoldi të zgjedhë Gjermaninë, duke argumentuar se skuadra ka nevojë për çdo talent të vlefshëm, veçanërisht në repartin ofensiv. Megjithatë, ai thekson se vendimi nuk duhet të merret vetëm mbi baza sportive.
“Shpresoj, natyrisht, që të zgjedhë Gjermaninë, sepse kemi nevojë për çdo talent, sidomos në sulm. Megjithatë, besoj se vendimi nuk duhet të merret vetëm mbi kritere sportive, por edhe me zemër”, deklaroi Bierhoff. Tresoldi, i cili ka lidhje si me Italinë, ashtu edhe me Gjermaninë, ende nuk ka vendosur se cilën kombëtare do të përfaqësojë në nivelin e të rriturve. Zgjedhja e tij pritet të jetë një çështje e rëndësishme, duke pasur parasysh potencialin që ka treguar dhe interesimin për të siguruar shërbimet e tij ndërkombëtare.
Në fund, Bierhoff u ndal edhe te mundësia që sulmuesi të luajë një ditë për Milanin, klub me të cilin ai ka një lidhje të veçantë. Tresoldi nuk e ka fshehur simpatinë për kuqezinjtë, ndërsa ish-sulmuesi gjerman beson se ai ka cilësitë për të luajtur në një skuadër të këtij niveli. “Milani sot nuk është në nivelin e kohës kur pata privilegjin të luaja atje, por Tresoldi ka potencialin për të luajtur në një klub kaq të madh dhe me famë ndërkombëtare”, përfundoi Bierhoff.
Top Channel
