Gazment Bardhi denoncon dhunën ndaj deputetëve gjatë protestës në Tiranë: Akt i padenjë për njerëz që mbajnë uniformën e shtetit 14/10 21:52
Skema e ngjyrave
Madhësia e shkrimit
Ministri për Evropën dhe Punët e Jashtme, Ferit Hoxha, ka reaguar në rrjetet sociale pas akteve të dhunës dhe shkatërrimeve gjatë protestës në Tiranë.
Ai shprehet se pamjet e dhunës ndaj institucioneve, pronës publike dhe private dëmtojnë imazhin ndërkombëtar të Shqipërisë dhe përpjekjet e saj drejt anëtarësimit në Bashkimin Evropian.
“Shqipëria ka bërë hapa madhorë në rrugën drejt Bashkimit Evropian, duke fituar më shumë besim dhe respekt ndërkombëtar dhe duke ndërtuar imazhin e një vendi të qëndrueshëm, të sigurt, mikpritës dhe gjithnjë e më tërheqës.
Pikërisht për këtë arsye, pamjet e dhunës, shkatërrimit të pronës dhe sulmeve ndaj institucioneve apo selive diplomatike janë dëshpëruese dhe të papranueshme. Ato nuk përfaqësojnë as Shqipërinë e sotme dhe as atdheun që synojmë të ndërtojmë për nesër.
Imazhi ynë ndërkombëtar është ndërtuar me shumë mund, ndër vite e dekada, por mund të cenohet lehtësisht. Çdo pamje dhune ndaj institucioneve, pronës publike apo asaj private dobëson mesazhin e stabilitetit, dëmton perceptimin e Shqipërisë si një vend i sigurt për turistët dhe investitorët dhe hedh hije e dyshime mbi aftësinë tonë të përbashkët për të përparuar drejt anëtarësimit në Bashkimin Evropian.
Shprehja e pakënaqësisë dhe protesta paqësore janë pjesë e demokracisë; dhuna jo.
Askush nuk duhet të dëmtojë një pasuri që na përket të gjithëve: emrin dhe reputacionin e Shqipërisë”, shkruan Ferit Hoxha.
Top Channel
