“Kemi ndalur përparimin e Rusisë”/ Ish-komandanti ukrainas zbulon humbjet e Moskës dhe paralajmëron Europën: Përgatituni për luftë 13/10 09:05
Skema e ngjyrave
Madhësia e shkrimit
Një tjetër tërmet me magnitudë 6.4 ballë ka goditur Panamanë, duke shkaktuar shqetësim pas një serie të gjatë lëkundjesh sizmike që kanë prekur vendin ditët e fundit.
Sipas Institutit të Gjeoshkencës të Universitetit të Panamasë, tërmeti u regjistrua në orën 18:20 sipas kohës lokale. Epiqendra ndodhej në brigjet jugore të provincës Veraguas, ndërsa thellësia fokale vlerësohet në vetëm 2 kilometra. Qendra Sizmologjike Euro-Mesdhetare (EMSC) dhe Shërbimi Gjeologjik i Shteteve të Bashkuara (USGS) e vlerësuan magnitudën e tërmetit në 6.1 ballë.
Sismo en Panamá | El Centro de Operaciones de Emergencia ubicado en Coclé fue desalojado durante una réplica de magnitud 6.3 registrada la noche de este lunes. https://t.co/gwYXUBqelh
— Telemetro Reporta (@TReporta) October 13, 2026
Ndërkohë, më shumë se 300 pasgoditje janë regjistruar në Panama që nga tërmeti i fuqishëm me magnitudë 7.7 ballë, i cili goditi vendin të premten. Lëkundjet e mëparshme shkaktuan dëme në qindra banesa dhe në infrastrukturë, duke bërë që qeveria të shpallte gjendjen e jashtëzakonshme.
Deri më tani, nuk raportohet për viktima nga tërmeti i fuqishëm i së premtes, ndërsa 27 persona kanë mbetur të plagosur dhe rreth 900 banesa janë dëmtuar. Autoritetet vijojnë vlerësimin e pasojave, veçanërisht në komunitetet e largëta, ku bilanci i dëmeve mund të ndryshojë.
Top Channel
