Maklena Nika proteston përmes letërsisë! “Rozë antraciti”, një roman për revolucionet që ndodhin në heshtje 02/11 14:54
Skema e ngjyrave
Madhësia e shkrimit
Pas një pune 15 vjeçare, shkrimtarja Flutura Açka prezanton për lexuesin triologjinë “1914”, që hedh dritë mbi ngjarjet e periudhës historike shqiptare gjatë përgatitjes për ardhjen në Shqipëri, mbretërimin dhe largimin e Princ Vidit.
Ky është një roman artistik, por i bazuar në fakte historike. Trilogjia historike përpiqet t’i japë përgjigje shumë pyetjeve për ngjarjet e vitit të hidhur 1914.
Autorja përfshin rrëfime në vetën e parë të njerëzve të përfshirë në këto ngjarje. Duke jetuar mes Holandës dhe Shqipërisë ajo ka shfrytëzuar dokumentacionin e dy vendeve, duke aksesuar dëshmi, foto dhe telegrame.
“Për puçin e Beqir Grebenesë ma ka interesuar shumë, masakra e Hormovës, vrasja e kolonel Tomson, arrestimi i Esat Pashës, përplasja e parë me rebelët. Kanë qenë momente të errëta”, tha Flutura Açka, autore e veprës.
Açka ndalet veçanërisht te vrasja e kolonelit holandez Tomson, që shërbeu në Shqipëri me mision ruajtjen e paqes dhe humbi jetën teksa mbronte Durrësin nga forcat kryengritëse.
“Unë dyshoj që nuk është një vrasje aksidentale sepse po t’ia lemë vetëm rebeelëve, nuk e dimë kush e ka shtënë plumbin, është një vrasje aksidentale. Unë them që është pjesë e një komploti më të madh politik, për shkak edhe të fërkimit të Fuqive të Mëdha, dikush ishte i interesuar për të shembur mbretërimin e Princ Vidit”.
Vepra u promovua mbrëmjen e kluar në praninë e miqve, kolegëve dhe studiuesve, që vlerësuan punën e autores, që eksploron tensionet që kërcënojnë vetë ekzistencën e shtetit.
“Është një sinfonia e historisë shqiptare, një sinfonia e guximit krijues për të hedhur dritë të terr. Për të fokusuar ato ngjarje të jashtëzakonshme pa harruar që Evropa e 1913, i copëtoi trojet shqiptare”, u shpreh Behar Gjoka, studiues.
Duke gërshetuar faktin historik me narracionin, Açka sjell një panoramë të gjallë të Shqipërisë në 1914.
“Nuk e di nga e ka marrë guximin Flutura të futet në vitin më të vështirë të ekzistencës së shtetit shqiptar. Kur e kam lexuar librin, kam përfytyruar si ishte Vlora e asaj kohe, si ishin rrugët, si visheshin njerëzit“, deklaroi Ben Andoni, publicist.
Triologjia nis me lindjen e brishtë të shtetit shqiptar dhe udhëton përmes njerëzve që u përpoqën ta mbronin apo ta përdornin atë.
Top Channel
