Erling Haaland është shndërruar në një pikë referimi autentike botërore. Në moshën 26 vjeç sulmuesi norvegjez ka 366 gola të shënuar na karrierën e tij me klubet dhe kombëtaren; 169 me Manchester City, 86 me Borussia Dortmund, 62 me Norvegjinë, 29 me Salzburgun dhe 20 me Molden.
Por për të të rritej me peshën e mbiemrit Haaland nuk ka qenë gjithnjë e lehtë. Që në hapat e tij të parë në futboll, sulmuesit i është dashur të bashkëjetojë me krahasimet me të atin e tij, Alfie Haaland ish futbollist profesionist. Edhe pse kjo trashëgimi konsiderohet se është larg asaj që mund të quhet një privilegj vendimta, futbollisti siguron se i ka shërbyer si stimul për të treguae se ai mund të krijojë rrugëtimin e tij.
‘Kur je fëmijë, të kesh një mbiemër të famshëm ka avantazhet dhe disavantazhet e veta. Ndoshta ka nga ata që kanë menduar se mbiemri më krijoi mundësitë. Për mua ky ishte vetëm motivim-ka shpjeguar vetë Erling Haaland kohë më parë.
Gjithashtu, raportet me babain e tij kanë pasur një peshë të rëndësishme në trajektoren e tij. Erling pranon se Alfie ka qenë i pranishëm në pjesën më të madhe të momenteve më të rëndësishme të tij me futbollistin që e përkufizon të atin si një hajmali. ‘Ai ka qenë i pranishëm thuajse te të gjitha momentet e mia të mira; është si një hajmali për mua-thotë 26 vjeçari.
Erling Haaland e ka shfaqur talentin e tij në futboll që në një moshë të vogël, por ishte në periudhën e adoleshencës kur ai nisi të mendojë seriozisht të bëhet një futbollist profesionist. ‘Gjithnjë më është dukur diçka natyrale që të bëhesha futbollist-kujtonte Erling Haaland-ishte ëndrra ime, ashtu sikurse edhe e të gjithë fëmijëve të tjerë, por vetëm kur isha 15 apo 16 vjeç, e ndjeva se mund të isha futbollist profesionist’.
Babai i tij, Alfie i dinte se çfarë kërkonte profesioni i futbollistit dhe Erling e pranon se që në vitet e tij të para kishte një sfidë personale shumë të qartë; të kalonte arritjet e të atit. ‘Që nga momenti kur nisa karrierën, objektivi im ka qenë që ta kaloj. Jam në rrugën e duhur, por ende kam shumë për të bërë. Nuk e kam kaluar ende. Ka pasur një karrierë të mirë. Jam krenar për të’-pohonte Erling Haaland
Nga ana tjetër, Alfie Haaland nuk e fsheh krenarinë për evoluimin e të birit dhe pranon se identiteti publik ka ndryshuar totalisht me rritjen e Erlingut. ‘Është diça e bukur nga ana e tij që e thotë këtë, por padyshim mua tani më njohin si babai i Erling Haaland. Ai tashmë nuk e ka më reputacionin si ‘djali i Alfie Haaland’. Në fillim ishte e kundërta, por kjo është gjë e mirë. Shpresoj që të jetë shumë herë më i mirë nga ç’kam qenë-tha Alfie Haaland që shtoi se asnjëherë nuk ka dashur të ushtrojë presion të tepruar te i biri gjatë formimit të tij.
‘Kur ishte shumë më i ri qëndrova mënjanë; nuk mora pjesë direkt të stërvitjet e tij të përditshme. Nuk ushtrova asnjë presion mbi të-tregon Alfie Haaland
Top Channel
