Luka Modric flet me zemër të hapur: Madridi është shtëpia ime dhe do të doja të kthehesha, por në Milano jam i lumtur dhe mendoj të fitoj

‘Edhe mua më mungon Madridi, qyteti, klubi, gjithçka-tregon Modric-por mund të them se ndihem mirë dhe jam i lumtur këtu në Milano, ku më pritën krahëhapur që nga dita e parë dhe jam shumë i kënaqur. Këtë e tregon fakti që jam ende këtu për të dytin vit radhazi. Kështu që edhe pse më mungon Madridi, tani jam në Milano dhe jam edhe i lumtur këtu’.

Më pas mesfushori tashmë 40 vjeçar tregon për detajet që e shtynë të pranonte kalimin te kuqezinjtë.

‘Milani është një prej klubeve më të mirë në botë, një klub historik që ndoshta në vitet e fundit nuk ka marrë rezultatet që ishin mësuar të gjithë, por mbetet një skuadër e madhe, një ndër më të dashurat në botë-vijon Modric-edhe presioni është shumë i lartë. Kur vjen këtu e ndjen. Mund të ndjesh historinë e Milanos edhe në qendrën stërvitore. Shumë legjenda, shumë futbollistë të mëdhenj kanë luajtur këtu…dhe kjo është me siguri një prej motiveve që zgjodha Milanin. Duke u rritur, duke ndjekur futbollin italian, Milani ishte skuadra ime e zemrës. Kur m’u prezantua kjo mundësi pas Realit të Madridit, nuk pata shumë dyshime’

Modric foli për objektivin në sezonin e tij të dytë në San Siro që mund të jetë erdhe i fundit në karrierën e tij.

‘Të bëj më mirë se vitin e kaluar-tha Modric-për shumë kohë bëmë shumë mirë, luftuam për titullin thuajse deri në mars dhe pastaj në ndeshjet e fundit thuajse hodhëm gjithçka poshtë dhe nuk u kualifikuam për në Champions League. Ishte një goditje e rëndë për Milanin, sepse Milani, minimumi duhet të luajë në Champions League çdo vit për historinë që ai ka. Është klubi i dytë me më shumë tituj të fituar në këtë kompeticion pas Realit të Madridit’

Por kroati nuk e la me kaq

‘Objektivat janë të bëj mirë, të ndihmoj skuadrën në çdo mënyrë, si në fushë edhe brenda saj. Ka shumë entuziazëm-theksoi mesfushori-janë bërë shumë ndryshime në skuadër këtë vit; një trajner i ri, disa futbollistë të rinj dhe klubi më pa si një pjesë të rëndësishme, më deshi këtu dhe për këtë arsye që jam këtu. Dua të konkurroj, të jap maksiumumin dhe të përpiqem të kthej Milanin te fitoret. Të gjithë së bashku. Një futbollist i vetëm nuk mund t’ia dalë i vetëm, por duhet të impenjohemi të gjithë për të tentuar që të kthejmë gradualisht Milanin aty ku e meriton të jetë’.

Motivimet nuk mungojne dhe Modric ende nuk ka caktuar një datë për tërheqjen nga futbolli.

‘Sepse bëj atë që dua, kam filluar të stërvitem që 6 vjeç dhe futbolli është jeta ime-tha Modric-kam ende të njëjtën ambicie, motivim dhe pasion. ndihem mirë fizikisht dhe mentalisht. Nuk e konsideroj si një punë, është diçka që më pëlqen dhe që më argëton ende. Shumë flasin pëe moshën time dhe ka filluar të bëhet lodhëse. Besoj se është pjesë e narrativës, por nuk më shqetëson. Trupi do të më thotë se kur do të jetë momenti që të tërhiqem. E sigurt që është pranë, më pranë se më parë. Por do të shohim se edhe sa kohë do të kem përpara. Mosha është vetëm një numër edhe pse njerëzit janë të obsesionuar. Në 2019 nisi ky diskutim kur isha 33 vjeç: ‘të shohim sa do të zgjasë, nuk do t’ia dalë më…’. Që nga ai moment fitova edhe 2 Champions League të tjera, u rendita i treti në Botëror me Kroacinë dhe arrita në finalen e Nations League’

Luka Modric është i qartë edhe përsa i përket një të ardhme në Madrid edhe pasi të ketë mbyllur karrierën si futbollist.

‘Shpresoj, do të më pëlqente-pohoi mesfushori kroat-të them të vërtetën nuk e kam të nevojshme ta fsheh. Madridi është shtëpia ime dhe do të më pëlqente të kthehesha një ditë. Por të shohim si dhe në çfarë roli, nëse do të ndodhë. Nuk dua të kthehem vetëm thjesht për t’u kthyer, për të qenë aty. Nuk është në natyrën time. Dua të jem i dobishëm, dua të ndihmoj Realin e Madridit. Nuk dua të jem atje dhe të mos e di se përse jam atje. Synimi im është të kthehem në Madrid dhe të jetoj, por dihen si shkojnë gjërat. Nuk mund të thuash asgjë me siguri. Por shpresoj me të vërtetë që kjo të ndodhë’

Top Channel