David Fadairo ishte protagonist absolut për Dinamon në fushatën evropiane të kësaj të fundit. Sulmuesi spikati me lojën e tij me golat e shënuar me skuadrën e drejtuar nga Ilir Daja në 3 ndeshjet e fundit, dy nga të cilët ishin kundër Pafos.
Por tani 25 vjeçari, pas përfundimit të aventurës së Dinamos në kompeticionet e UEFA, do të duhet të kthehet te Partizani që kishte në zotërim kartonin e tij.
Në fakt Partizani e kishte dhënë futbollistin në formë huazimi vetëm për ndeshjet evropiane të Dinamos dhe tani do të ketë sërish në radhët e tij Fadairon. Ky i fundit vendosi t’iu drejtohet rrjeteve sociale për të shprehur falenderimin e tij ndaj skuadrës dhe trajnerit Ilir Daja.
‘Faleminderit Dinamo. Faleminderit trajnerit Ilir Daja që më besove në cilësitë e mia dhe më ndihmove të jem më i fokusuar te arritja e qëllimeve-shkruante David Fadairo në postimin e tij në Instagram.
Top Channel
