Ndarja nga jeta e Mbretit Harald V të Norvegjisë, i cili ndërroi jetë në moshën 89-vjeçare në spitalin Rikshospitalet të Oslos, pas më shumë se 35 vitesh në fron, ka shkaktuar dhimbje të thellë në të gjithë vendin dhe është shoqëruar me homazhe të shumta edhe nga bota e sportit.
Mesazhi më prekës ishte ai i sulmuesit norvegjez Erling Haaland, i cili zgjodhi t’i bënte homazh sovranit duke ndarë një kujtim në rrjetet e tij sociale: “Pushofsh në paqe, Mbret Harald. Faleminderit për gjithçka që ke përfaqësuar për Norvegjinë. Ishte një nder të të takoja.”
Pavarësisht moshës, me ndihmën e një bastuni, Mbreti i Norvegjisë kishte arritur të vazhdonte të ushtronte shumë prej detyrave të tij zyrtare. Ndër momentet e fundit publike ishte edhe takimi me Kombëtaren norvegjeze të futbollit pas rikthimit të saj në atdhe, pas kualifikimit në çerekfinalet e Kupës së Botës.
Top Channel
