Milan i gëzohet Gonçalo Ramos: Duam të fitojmë. Zakonisht me këto raste shënoj më shumë gola 28/08 23:39
Skema e ngjyrave
Madhësia e shkrimit
Milani ka siguruar fitoren e dytë sezonale në Serie A, duke shënuar njëkohësisht edhe suksesin e parë në “San Siro” nën drejtimin e trajnerit të ri, Rúben Amorim.
Kuqezinjtë kanë mposhtur Venezian me rezultatin e pastër 2-0, në një sfidë të dominuar dhe të zgjidhur në pjesën e dytë të lojës.
Pas një fraksioni të parë ku u kërkua goli me ngulm, zhbllokimi i shifrave erdhi në minutën e 69-të. Ishte sulmuesi portugez, Gonçalo Ramos, i cili gjeti rrugën e rrjetës duke shënuar kështu golin e tij të parë personal përpara tifozëve milanistë në “San Siro”.
Me kalimin e minutave dhe me Venezian që tentonte të reagonte, Milani mbylli përfundimisht llogaritë e takimit pak përpara fundit. Në minutën e 89-të, një aksion perfekt i ndërtuar mjeshtërisht nga Ardon Jashari mbolli panik në zonën mike. Përpjekja e mbrojtësit të Venezias, R. Halhal, për të larguar rrezikun përfundoi në mënyrën më të keqe, duke e devijuar topin në rrjetën e portës së tij për autogolin që vulosi shifrat në 2-0.
Me këtë trepikësh, skuadra e Amorim merr frymë lirisht në kampionat, duke treguar rritje në lojë dhe duke entuziazmuar publikun e tyre në shtëpi.
Top Channel
