Merkatoja e Lazios mund të ketë të reja në ditët e fundit. Skuadra bardhekaltër ka përgatitur një listë me emrat e lojtarëve që pritet të largohen këto ditë dhe në krye të listës është Cancellieri.
Ky i fundit po monitorohet nga Genoa që kërkon të mbyllë operacionin për të për një shifër 4-5 milionë euro. Në këtë pikë, për të zëvendësuar Cancellierin, te Lazio është hedhur ideja e transferimit në Romë të Edon Zhegrovës nga Juventusi.
Operacioni i menduar nga bardhekaltrit është për marrjen e futbollistit me formë huazimi pa detyrim blerje nga Juventus, një formulë që është e pranueshme edhe nga Juventus. Sulmuesi 27 vjeçar dardan ka një pagë prej 2.5 milionë eurosh, shifër kjo që hyn në parametrat e financave të Lazios.
Edon Zhegrova, që gjuan mjaft mirë me të majtën, mund të jetë një alternativë edhe për Zaccagnin. Ajo që favorizon ardhjen e mundshme të Zhegrovës te Lazio është eksperienca e fituat në kampionatin italian. Sezonin e kaluar, sulmuesi i kombëtares së Kosovës ka zhvilluar 20 ndeshje, ndërsa të dielën e kaluar në sfidën e parë të sezonit të ri në Serie A, ndaj Frosinones ai u aktivizua si zëvendësues. Gjithsesi, përpara se të nisë operacionin për Zhegrovën, Lazio do të duhet të mbyllë atë për Cancellierin.
Top Channel
