Panik, ankth, disavantazh i dyfishtë dhe në fund… një mrekulli në minutat shtesë. Sfida e mbrëmjes mes Lille dhe Paris Saint-Germain ka rezultuar një triller absolut, që nisi përpara se arbitri të vërshëllente fillimin dhe përfundoi me një barazim spektakolar 2-2 në sekondat e fundit.
Drama jashtë fushës, 5 minuta tmerr
Gjithçka nisi me një vonesë prej 15 minutash të takimit për shkak të një incidenti të frikshëm në nxehmje. Portieri i PSG-së, Matvey Safonov, u përplas dhunshëm kokë më kokë me një prej trajnerëve të portierëve në një dalje rutinë, duke mbetur i shtrirë në fushë. Pas pesë minutash ankthi, ndërhyrjesLille dhe PSG ndajnë pikët pas një drame në minutat shtesë.
Kliko këtu për të parë videon e momentit të panikut
Rezultati Përfundimtar: Lille 2 – 2 Paris Saint-Germain
Një mbyllje e jashtëzakonshme dhe dramatike e sfidës! Paris Saint-Germain ka arritur të shpëtojë nga një humbje që dukej e sigurt, duke barazuar gjithçka në frymën e fundit të takimit.
Vendasit e Lille e nisën mjaft mirë, duke kaluar në avantazh që në pjesën e parë me golin e Hakon Arnar Haraldsson në minutën e 21-të. Situata u duk se u vulos në favor të tyre kur Dilane Bakwa dyfishoi shifrat në të 84-ën, duke e çuar ndeshjen në 2-0 vetëm pak minuta nga fundi i kohës së rregullt.
Megjithatë, parizienët treguan karakter në minutat shtesë. Fillimisht ishte Vitinha ai që ngushtoi diferencën në 90’+1, duke rindezur shpresat. Presioni i PSG-së dha rezultat në sekondat e fundit, kur kapiteni Marquinhos dërgoi topin në rrjetë në minutën e 90’+5, duke i rrëmbyer një pikë me shumë vlera Lille-ës dhe duke shmangur disfatën.
Top Channel
