Historia si trajner e Valdas Dambrauskas, i cili çoi Sabah FK, të themeluar në vitin 2017, në Ligën e Kampionëve Champions League, është vërtet mbresëlënëse.
Trajneri lituanez mori pjesë në konkursin “Kush do të bëhet milioner?” në vitin 2000 dhe i përdori paratë e fituara për të ndjekur trajnime për trajner në Angli. Një nga hapat e tij të parë të rëndësishëm në karrierë e hodhi në vitin 2007 me Kingsbury London Tigers, një ekip i ligave të ulëta në Angli, duke i dhuruar klubit një nga rezultatet më të suksesshme në historinë e tij.
Më vonë, pasi kishte mbajtur 12 pozicione të ndryshme si trajner, kryesisht në vendet balltike, Dambrauskas arriti të fitonte kampionatin dhe kupën në futbollin azerbajxhanas, një skenë e dominuar prej kohësh nga Qarabağ.
Sot, ai ka shënuar një sukses të ri duke udhëhequr Sabah FK drejt fazës së ligës në Champions League për herë të parë në historinë e klubit. Duke bërë këtë, Dambrauskas u bë gjithashtu trajneri i parë lituanez që drejton një ekip në Ligën e Kampionëve.
Top Channel
