Mbrëmja e play-off-it të UEFA Champions League ka dhuruar emocione të forta, përmbysje rezultatesh dhe përballje që po vendosen në detajet më minimale.
Sabah dhe Bodø/Glimt presin biletat e kualifikimit
Dy skuadrat e para që kanë siguruar zyrtarisht praninë e tyre në fazën e ligës janë Sabah Masazir dhe Bodø/Glimt: Kthesa e madhe e Sabah: Pasi pësoi humbje 2–1 në ndeshjen e parë ndaj Hapoel Beer-Sheva, skuadra azere realizoi një përmbysje spektakolare në shtëpi me fitoren e thellë 5–2. Me rezultatin e përgjithshëm 6–4, Sabah siguron një kualifikim historik.
Dominimi i Bodø/Glimt: Skuadra norvegjeze konfirmoi formën e saj të shkëlqyer duke mposhtur holandezët e NEC Nijmegen me rezultatin 3–0 (agregati 6–1). Bodø/Glimt siguron kështu praninë në fazën e ligës për të dytin sezon radhazi.
Triler me 6 gola dhe përmbysje epike, LASK dërrmon Celtic-un 5-1 pas kohës shtesë!
Ndeshja e fundit e kësaj të marte të ndeshjeve play-off të UEFA Champions League, u realizua një nga përmbysjet më dramatike të sezonit, ku LASK mposhti Celtic me shifrat me shkatërruese 5-1 pas kohës shtesë, duke siguruar kualifikimin tutje me rezultat të përgjithshëm 5-4.
Sfida nisi në malore për vendasit pasi Celtic kaloi i pari në avantazh me golin e C. McGregor në minutën e 21-të. Mirëpo, reagimi i austriakëve ishte i menjëhershëm dhe pa mëshirë. M. Usor barazoi shifrat në 32′, përpara se R. Ljubičić (48′) dhe S. Adeniran (58′) të përmbysnin rezultatin në 3-1 në pjesën e dytë.
Kur takimi po i drejtohej fundit, F. Flecker realizoi golin e katërt në minutën 90’+1, duke e çuar përballjen në kohën shtesë. Heroi i mbrëmjes doli sërish S. Adeniran, i cili me golin e tij të dytë personal në minutën e 109-të vulosi fitoren 5-1 dhe çoi peshë stadiumin, duke kompletuar përmbysjen epike nga agregati 5-4.
Beteja mbetet e hapur për përballjet e së mërkurës
Ethet e kualifikimit vazhdojnë edhe me sfidat e ardhshme të së mërkurës, ku skuadrat startojnë nga një baraspeshë e plotë:
Lyon — Fenerbahçe (Rezultati i parë: 1–1)
Viking FK — GNK Dinamo Zagreb (Rezultati i parë: 2–2)
NK Celje — Slovan Bratislava (Rezultati i parë: 1–1)
AEK Athens — Levski Sofia (Rezultati i parë: 0–0)
Spektakli i Champions League vjen falas!
Kujtojmë për të gjithë sportdashësit se ndeshja më e mirë e çdo jave të Champions League do të transmetohet falas në Top Channel, duke filluar që nga ceremonia e madhe e shortit. Ky rrugëtim fantastik i transmetimeve falas nis pikërisht këtë të mërkurë, me super-sfidën e kthimit mes Lyon dhe Fenerbahçe. Një 90-minutësh që nuk duhet humbur!
Top Channel
