Kapiteni i Manchester United, Bruno Fernandes, është kurorëzuar zyrtarisht si lojtari më i mirë i vitit në Premier League nga Shoqata e Futbollistëve Profesionistë (PFA) për edicionin 2026.
Ky është një sukses me peshë të madhe historike për klubin, pasi mesfushori portugez bëhet lojtari i parë i “Djajve të Kuq” që fiton këtë trofe prestigjioz pas plot 16 vitesh mungesë, që kur Wayne Rooney e ngriti atë në vitin 2010.
Fernandes vjen pas një edicioni rekordesh ku regjistroi 21 asiste në kampionat, duke thyer rekordin e Thierry Henry dhe Kevin De Bruyne, së bashku me 9 gola, duke udhëhequr United drejt vendit të tretë dhe kualifikimit në UEFA Champions League.
Lista Elitare e Manchester United në Epokën e Premier League
Fernandes bëhet lojtari i 8-të i ndryshëm në historinë e Manchester United që fiton çmimin PFA në epokën moderne të kampionatit anglez, duke shkruar emrin e tij krah figurave më ikonike të klubit:
Eric Cantona (1993-94)
Roy Keane (1999-00)
Teddy Sheringham (2000-01)
Ruud van Nistelrooy (2001-02)
Cristiano Ronaldo (2006-07 & 2007-08)
Ryan Giggs (2008-09)
Wayne Rooney (2009-10)
Bruno Fernandes (2025-26)
Detaje të tjera nga sezoni i magjishëm i portugezit
“Treble” Individual: Përveç vlerësimit nga kolegët e tij profesionistë (PFA), Fernandes ka fituar gjatë këtij viti edhe çmimin zyrtar të kampionatit (Premier League Player of the Season) si dhe atë të gazetarëve sportivë (FWA Footballer of the Year).
Konkurrenca e mposhtur: Fernandes mori shumicën e votave në garë me yjet e Arsenalit (Declan Rice, David Raya, Gabriel Magalhães) dhe dyshen e Manchester City-t (Erling Haaland, Rayan Cherki).
Top Channel
