Vijon përhapja e virusit të Nilit Perëndimor në Greqi, 157 raste dhe 13 viktima deri më tani 20/08 14:51
Skema e ngjyrave
Madhësia e shkrimit
Stuhi të forta dhe dy tornado shkaktuan dëme të mëdha gjatë natës në disa pjesë të Gjermanisë, duke lënë pas një viktimë dhe disa të plagosur, ndërsa dhjetëra ndërtesa u dëmtuan, thanë autoritetet.
Stuhi më të forta ka të ngjarë të pasojnë, veçanërisht në shtetet jugore të Baden-Württemberg dhe Bavarisë, paralajmëroi Shërbimi Meteorologjik Gjerman (DWD).
Në Walldorf, në shtetin perëndimor të Rhineland-Pfalz, një grua 58-vjeçare humbi jetën dhe një grua 47-vjeçare u plagos rëndë kur një pemë ra mbi to, tha policia.
Dy gratë po ecnin së bashku kur stuhia u afrua dhe kërkuan strehim. Megjithatë, një pemë u shkul nga forca e stuhisë dhe ra mbi strehën e tyre. Gruaja 58-vjeçare humbi jetën në vendngjarje, ndërsa 47-vjeçari u dërgua në spital.
Ndërkohë në Rhineland-Pfalz, stuhia rrëzoi pemë dhe mure shtëpish.
Një tornado goditi Fürstenwalde-Spree në Brandenburg, shtetin përreth Berlinit, konfirmoi DWD.
Policia në Potsdam tha se stuhia shkaktoi dëme në zonë, përfshirë makinat e goditura nga pemët e rrëzuara. Ndërsa nuk u raportua për të lënduar.
Një tornado e dytë goditi zonën përreth qytetit të Wetzlar në shtetin qendror të Hesse mbrëmjen e ditës së djeshme, konfirmoi DWD. Shërbimi meteorologjik tha se ende nuk kishte përfunduar vlerësimin e forcës së tornados.
Rreth 60 shtëpi u dëmtuan në Wetzlar, sipas departamentit të zjarrfikësve.
Në Laubach, qytetin fqinj, një pemë që ra dëmtoi një rezervuar gazi në një ndërtesë banimi. Zona përreth u evakuua brenda një rrezeje prej 200 metrash pasi gazi filloi të rrjedhë.
Dëme të ngjashme u raportuan në shtetet e Thuringisë dhe Bavarisë, ku disa shtëpi tashmë janë të pabanueshme.
Top Channel
