‘Nuk luajta aq sa shpresoja’/ Paul Pogba mbyll aventurën me Monaco pas vetëm një viti

Sipas të përditshmes franceze ‘L’Equipe’, futbollisti do të qëndrojë në Montecarlo për t’u kuruar dhe për të vijuar rehabilitimin në mënyrë që të jetë në 100% të formës për sezonin e ardhshëm kur do të jetë i lirë të nënshkruajë me çdo skuadër me parametra zero.

‘Monaco dhe mesfushori i kombëtares franceze bëjnë të ditur mbylljen në mënyrë konsensuale të aventurës që nisi në verën e vitit 2025-theksohet në komunikatën e Monaco-duke marrë parasysh se objektivat e vendosura në fillim u arritën pjesërsisht, Monaco dhe Paul Pogba zgjodhën të zgjidhnin kontratën mes tyre që skadonte në 2027, përpara ndeshjes së parë zyrtare në sezonin e ri. Klubi shpreh të gjithë mirënjohjen kundrejt kampionit të botës të 2018 për besimin dhe profesionalizmin ekstrem që shfaqi gjatë gjithë aventurës në Monaco. Gjatë kësaj eksperience me ngjyrat e Monaco, Paul ka treguar një gjendje shpirtërore të jashtëzakonshme, një vendosmëri dhe kërkesë ndaj vetes në çdo moment. Të gjitha përpjekjet e tij e lejuan të rigjejë kompetitivitetin në nivelet më të larta pas një periudhe të gjatë joaktive duke e ndarë eksperiencan dhe kompetencat e tij me një grup profesionist. Monaco e falenderon thellësisht Paul dhe i uron më të mirën për të ardhmen’

Edhe vetë futbollisti shprehu falenderimin dhe mirënjohjen ndaj Monacos për mundësinë që i dha.

‘Dëshiroj të falenderoj presidentin dhe drejtuesit e klubit, shokët e mi të skuadrës, të gjithë stafin dhe të gjithë tifozët që besuan te unë-theksonte Pogba-përfaqësimi i këtij klubi dhe Principatës ishte një eksperiencë e pabesueshme. Monaco është një klub i shkëlqyer dhe ndonëse nuk zhvillova të gjitha ndeshjet që shpresoja, do të jem gjithnjë mirënjohës për mundësinë që m’u dha të vishja këto ngjyra. Daghe Munegu!’.

Top Channel