Sulmet ruse gjatë natës në Ukrainë, të paktën dy të vrarë dhe dhjetëra të plagosur

Sipas autoriteteve ukrainase, Rusia përdori më shumë se 100 dronë dhe disa raketa në sulmet e natës, duke goditur edhe zona të banuara dhe infrastrukturë civile.

Në Kherson, një sulm shkaktoi zjarr në ambientet e një njësie të Shërbimit Shtetëror të Emergjencave. Në Odesa, një apartament në katin e pestë të një pallati 10-katësh u përfshi nga flakët pas një sulmi rus. Në rajonin e Poltavas, bombardimet shkaktuan zjarr në një strukturë industriale.

Situata ishte veçanërisht e rëndë në Zaporizhzhia, ku një person humbi jetën dhe nëntë të tjerë u plagosën. Sulmet shkaktuan gjithashtu zjarr në një qendër tregtare. Në rajonin e Kharkivit, tre persona u plagosën pas sulmeve në një zonë të banuar të qytetit të Balakliias.

Sulme janë raportuar edhe në rajonin e Sumyt, ku objektiv ishin infrastruktura civile në Romny, Nedryhailiv, Korovyna dhe Sumy. Ndërkohë, në rajonin e Donetskut, një person u vra dhe 13 të tjerë u plagosën nga sulmet ruse.

Autoritetet ukrainase vijojnë të raportojnë për dëme në ndërtesa civile dhe objekte infrastrukturore në disa zona të vendit.

Top Channel