E kryer/ Reali “thyen” arkën, transferon për 140 milionë euro yllin që kërkoi gjatë gjithë merkatos

Pas negociatave të gjata mes dy klubeve, palët kanë gjetur akordin për një operacion që pritet të shkojë rreth 140 milionë euro.

Sipas raportimeve të gazetarit Mario Cortegana dhe “The Athletic”, marrëveshja është e ndarë në rreth 125 milionë euro tarifë fikse dhe 15 milionë euro të tjera në formën e bonuseve.

Mbrojtësi 19-vjeçar ka marrë lejen për të udhëtuar drejt Madridit, ku do t’u nënshtrohet testeve mjekësore përpara se të hedhë firmën mbi kontratën e re me “Los Blancos”.

Një pjesë e shumës së transferimit pritet të përfitohet edhe nga Leganés, ish-klubi i Diomandes, sipas marrëveshjes që u arrit një vit më parë kur lojtari kaloi te Leipzig.

Diomande ishte një nga emrat më të kërkuar në këtë merkato verore. Fillimisht, destinacioni i tij i preferuar ishte Paris Saint-Germain, por me kalimin e kohës 19-vjeçari ndryshoi preferencën dhe zgjodhi Real Madridin si hapin e radhës në karrierë.

Transferimi i tij përforcon politikën e klubit madrilen për të afruar talentet më të mëdha të futbollit botëror. Diomande shihet si një nga lojtarët më premtues të brezit të ri dhe pritet të jetë një investim afatgjatë për skuadrën e drejtuar nga Real Madridi.

Top Channel