Genoa ka përjetuar një nga pasditet më turpëruese të historisë së saj të fundit, duke u shkatërruar me rezultatin e pabesueshëm 10-1 në ndeshjen miqësore kundër skuadrës angleze të Bournemouth.
Ajo që pritej të ishte një test i rëndësishëm përgatitor para nisjes së sezonit të ri në Serie A u kthye në një katastrofë të vërtetë sportive për skuadrën gjenoveze, e cila u dorëzua totalisht para ritmit, shpejtësisë dhe agresivitetit të kundërshtarëve nga Premier League. Mbrojtja e Genoas u shpërbë plotësisht gjatë gjithë takimit, duke lejuar anglezët të shënonin radhazi dhe të thellonin shifrat në një rezultat që ngjan më shumë me një ndeshje basketbolli sesa futbolli.
Kjo humbje tronditëse ka ndezur menjëherë këmbanat e alarmit te stafi teknik dhe drejtuesit e klubit, duke treguar se skuadra ka nevojë urgjente për reflektim të thellë, reagim dhe ndërhyrje në merkato para se të nisin angazhimet zyrtare të kampionatit.
Top Channel
