Spektakël në Hungari, Norris triumfon, Piastri tradhtohet nga makina 26/07 17:15
Skema e ngjyrave
Madhësia e shkrimit
Sezoni i Formula 1 mund të ketë një mbyllje të papritur në pista europiane nëse zhvillimi i garave finale në Katar dhe Abu Dhabi bëhet i pamundur për shkak të situatës së sigurisë në Lindjen e Mesme.
Drejtuesit e kampionatit kanë konfirmuar se vendimi përfundimtar do të merret deri në mesin e muajit shtator. Presidenti dhe CEO i Formula 1, Stefano Domenicali, deklaroi se për momentin të dyja garat mbeten në kalendarin zyrtar, por organizatorët po përgatitin plane alternative nëse transporti i pajisjeve dhe personelit paraqet rrezik. “Për ne sot, garat në Katar dhe Abu Dhabi janë të konfirmuara,” u shpreh Domenicali. “Por, sigurisht, nëse situata nuk qartësohet në mënyrën që ne besojmë se duhet deri në mesin e shtatorit, ne do të marrim vendimin përfundimtar. Në këtë rast, mund t’ju konfirmoj se fundi i sezonit do të zhvillohet në Europë, sepse nuk mund të udhëtojmë në vende të tjera.”
Pse kjo afate dhe cilat janë opsionet?
-
Koha e nevojshme logjistike: Nxjerrja e një vendimi në mesin e shtatorit u jep skuadrave dhe organizatorëve rreth dy muaj kohë për të përgatitur infrastrukturën, homologimet e pistave dhe të drejtat televizive për lokacionin e ri.
-
Imola mes alternativave: Ndër opsionet kryesore europiane që po diskutohen për të zëvendësuar garat finale përmendet edhe pista italiane e Imolës, megjithëse ende nuk ka një konfirmim zyrtar.
-
Kushtet atmosferike: Pavarësisht shqetësimeve se mund të jetë ftohtë për të garuar në Europë në fund të nëntorit apo fillim të dhjetorit, Domenicali theksoi se temperaturat mesatare në atë periudhë nuk janë më të ulëta se ato me të cilat përballen garuesit gjatë garës së Las Vegasit.
Formula 1 vazhdon të monitorojë situatën nga afër për të shmangur ndryshimet e minutës së fundit dhe për t’u garantuar skuadrave një mbyllje të sigurt dhe të rregullt të kampionatit botëror.
Top Channel
