Chelsea është shumë pranë sigurimit të shërbimeve të Jordan Henderson, në atë që pritet të jetë një nga transferimet më të papritura të kësaj merkatoje verore.
Sipas ekspertit të merkatos Fabrizio Romano, klubi londinez është “shumë afër” arritjes së një marrëveshjeje për mesfushorin anglez, i cili aktualisht është pjesë e Brentfordit.
Romano raporton se Henderson ka dhënë sinjale pozitive për transferimin dhe është i gatshëm të kalojë në Stamford Bridge, ku do të punojë nën drejtimin e trajnerit Xabi Alonso.
36-vjeçari shihet si një përforcim me përvojë për mesfushën e Chelseat, ndërsa aftësitë e tij drejtuese dhe eksperienca në nivelet më të larta të futbollit konsiderohen një vlerë e shtuar për skuadrën londineze.
Henderson u largua nga Liverpooli pas një karriere të suksesshme, gjatë së cilës mori shiritin e kapitenit nga Steven Gerrard dhe fitoi disa trofe të rëndësishëm me “The Reds”. Më pas ai kaloi te Al Ettifaq në Arabinë Saudite, u rikthye në Evropë me Ajaxin dhe më vonë iu bashkua Brentfordit.
Pavarësisht lëvizjeve të fundit në karrierë, Henderson ka mbetur pjesë e kombëtares së Anglisë dhe ishte i përfshirë edhe në skuadrën për Kupën e fundit të Botës, por nuk luajti asnjë minutë dhe u dëmtua gjatë festimeve pas kualifikimit me Meksikën.
Deri më tani nuk janë bërë publike detajet financiare apo kohëzgjatja e kontratës së mundshme, ndërsa as Chelsea dhe as Brentford nuk kanë komentuar zyrtarisht mbi negociatat. Megjithatë, sipas Fabrizio Romanos, “Blutë” janë favoritët absolutë për të siguruar firmën e mesfushorit anglez.
Top Channel
