Dy titullarë të ekipit të vjetshëm drejt largimit nga Barcelona, Flick: Po bëjmë shumë ndryshime, për ata duhet të presim fundin e merkatos 22/08 17:29
Skema e ngjyrave
Madhësia e shkrimit
Parlamenti i dha dritën jeshile, me 74 vota pro nga socialistët, huasë 302 milionë dollarëshe me Shtetet e Bashkuara të Amerikës për forcimin e kapaciteteve ushtarake të Shqipërisë.
Si rrallë herë Kuvendi mbylli dyert, duke ruajtur konfidencialitetin e dokumentit të nënshkruar me aleatin strategjik dhe pas 30 minutash diskutime erdhi sinjali që akti u miratua.
Me gjysmë salle bosh, ishin vetëm tre deputetë opozitarë Muçi, Shehaj dhe Kapri, të cilët braktisën momentin e votimit.
Socialistët i kishin numrat e nevojshëm për ratifikimin e marrëveshjes edhe të vetëm. Demokratët i qëndruan besnikë vendimit të paradites, se procedura e ndjekur ishte në kundërshtim me Kushtetutën.
Taulant Balla mbrojti proceduren dhe marrëveshjen, pasi u vulos nga Kuvendi, por u tregua diskret në dhënien e detajeve, duke ruajtur sekretin e dokumentit.
Marrëveshja hyri në fuqi menjëherë, pasi edhe presidenti Bajram Begaj kishte dhënë dakordësinë e tij.
Top Channel
