SPAK ka paraqitur kërkesat për dënim për Pirro Xhixhon dhe Fatime Kryemadhin, të pandehur në dosjen që lidhet me akuzat për korrupsion dhe pastrim parash.
Për Pirro Xhixhon, i dyshuar për korrupsion pasiv të funksionarëve të lartë shtetërorë, SPAK ka kërkuar dënimin me 4 vite e 6 muaj burg. Nëse pranohet gjykimi i shkurtuar, dënimi ulet në 3 vite burg.
Gazetarja Anila Hoxha raporton se sipas SPAK, duke marrë në konsideratë moshën e Xhixhos dhe faktin që ai nuk ka përfituar, dënimi me burg të konvertohet në shërbim prove.
Për Fatime Kryemadhin, e akuzuar për pastrim parash të kryer në bashkëpunim, SPAK ka kërkuar dënimin me 7 vite e 6 muaj burg. Me gjykim të shkurtuar, dënimi reduktohet në 5 vite burg. Edhe për Kryemadhin, SPAK ka kërkuar që dënimi me burg të konvertohet në 5 vite shërbim prove, duke marrë parasysh moshën e saj.
Për Ema Çokun, e dyshuar për pastrim parash e kryer në bashkëpunim, SPAK kërkon dënimin me 7 vite burg, me gjykim të shkurtuar 4 vite e 8 muaj burg. Duke marrë parasysh rrethanat e tjera, pezullohet dënimi me burg dhe vitet në prove për 5 vite.
SPAK kërkoi që të konfiskohet vila në pronësi të Fatime Kryemadhit që sipas Prokurorisë edhe pse justifikohet me burime të ligjshëm është ekuivalente e shumës që dyshohet se ka pastruar.
Top Channel
