Sipas informacioneve të siguruara nga banorë dhe barinj të zonës, gjatë stuhisë janë regjistruar dhjetëra goditje rrufesh në Parkun Kombëtar të Shebenikut, në Malësinë e Sopotit, Polisit, Xhyrës, Dardhës dhe Spatharit, duke krijuar momente paniku dhe frike për banorët që ndodheshin në kullota dhe zona të hapura.
Në fshatin Spathar në Njësinë Administrative Qendër , në vendin e njohur si “Arrës” një tufë me dhi është goditur nga rrufeja. Si pasojë e shkarkesës së fuqishme elektrike, 15 bagëti kanë ngordhur në vend, duke i shkaktuar një dëm të konsiderueshëm ekonomik familjes së bariut Shaban Kurti.
Shërbimi Veterinar Librazhd ka kryer të gjitha procedurat e duhura në bashkëpunim me pushtetin vendor. U krye groposja e menjëhershme për shmangien e infeksioneve të mundshme për shkak edhe të temperaturave të larta.
Numri i krerëve të dëmtuar është 14 krerë.
Top Channel
