Trumpin e zë gjumi në Dhomën Ovale, ironia e Hunter Biden: I ranë bateritë 06/06 14:30
Skema e ngjyrave
Madhësia e shkrimit
Në deklaratat e bëra në bordin e avionit papnor gjatë udhëtimit drejt Spanjës, Papa Leoni XIV u ndal te konfliktet ndërkombëtare, përfshirë luftën në Iran dhe luftën Rusi–Ukrainë.
Duke folur për Ukrainën, ai theksoi nevojën për rifillimin e negociatave dhe përpjekje serioze për t’i dhënë fund luftës, duke nënvizuar se dhuna nuk mund të ndalet me më shumë dhunë.
Sa i përket konfliktit në Iran, Papa Leo XIV u shpreh se “nuk është një luftë e drejtë”, duke shtuar se koncepti tradicional i “luftës së drejtë” nuk i përshtatet realitetit modern të armëve dhe shkatërrimit.
Në fjalimin e tij në Pallatin Mbretëror në Madrid, ai theksoi se siguria nuk ndërtohet përmes armëve apo mureve, por përmes investimit në arsim, kërkim shkencor dhe forcimit të komuniteteve lokale.
Papa përmendi gjithashtu historinë e Gadishullit Iberik, duke theksuar se bashkëjetesa mes të krishterëve, myslimanëve dhe hebrenjve ka treguar rëndësinë e dialogut dhe shkëmbimit kulturor.
Ai paralajmëroi gjithashtu kundër rritjes së “polarizimit” në shoqëritë moderne, duke thënë se dinjiteti njerëzor po cenohet dhe se nevojitet më shumë kulturë, arsim dhe thellësi shpirtërore në jetën publike.
Top Channel
