Inter, gati rinovimi me trajnerin Chivu deri në 2028, më pas plani i merkatos me 3 goditje të rëndësishme 25/05 13:34
Pas disfatës zhgënjyese kundër Kaljarit, e cila i ka kushtuar Milanit kualifikimin në edicionin e ardhshëm të Champions League, atmosfera te kuqezinjtë është tepër e tensionuar.
Klubi është në një fazë “zero”, ku pritet një ristrukturim rrënjësor për të nisur një cikël të ri.
Lëvizjet në selinë e klubit: Cardinale pritet në Casa Milan
Pronari i klubit, Gerry Cardinale, i cili e ndoqi nga stadiumi ndeshjen kundër Kaljarit dhe u largua menjëherë pas fishkëllimës së fundit, ndodhet ende në Milano. Nuk përjashtohet mundësia që ai të mbërrijë së shpejti në selinë e “Casa Milan” për të zhvilluar takime vendimtare me drejtuesit e lartë.
Zhvillimet e fundit dhe të larguarit e mundshëm
Dita e sotme mund të sjellë zyrtarizimet e para të largimeve:
- Giorgio Furlani: Administratori i deleguar, i kontestuar ashpër nga “Curva Sud”, është drejt largimit për t’i hapur rrugën një figure të re në këtë post. Procesi i përzgjedhjes së pasuesit të tij është duke u ndjekur nga Massimo Calvelli. Pavarësisht situatës, Furlani është parë duke mbërritur në zyrat e klubit, së bashku me Geoffrey Moncada-n.
- Igli Tare: Pozita e drejtorit sportiv shqiptar është lëkundur ndjeshëm. Ashtu si për teknikun Massimiliano Allegri, mungesa e arritjes së objektivit minimal sezonal ka çuar në vlerësimin e punës së tij për një ndërprerje të mundshme të bashkëpunimit. Tare, i cili ka qenë i lidhur ngushtë me punën e Allegrit, thuhet se ka qenë prej javësh në periferi të vendimmarrjeve kryesore, fakt i konfirmuar edhe nga mungesa e tij në samitin e së dielës mes Cardinale-s dhe Calvelli-t.
- Massimiliano Allegri: Trajneri toskan ndodhet në pozitat më të vështira që prej mbërritjes së tij në Milano, vetëm një vit më parë. Pas këtij sezoni dështak, qëndrimi i tij në stol duket shumë i pamundur.
Top Channel
