Delegacioni i Bashkimit Evropian në Tiranë ka dënuar ashpër sulmin e fundit me dronë dhe raketa të ndërmarrë nga Rusia ndaj Kievit, i cili ka shkaktuar viktima dhe ka goditur edhe rezidencën ku banon ambasadori shqiptar në Ukrainë, Ernal Filo, duke rrezikuar seriozisht jetën e tij.
Në reagimin e tij, BE e cilëson sulmin si një tjetër dëshmi të brutalitetit të agresionit rus dhe shpreh solidaritet të plotë me Ukrainën dhe Shqipërinë.
“Delegacioni i Bashkimit Evropian dënon me forcën më të madhe sulmin me dronë dhe raketa të kryer gjatë natës nga Rusia ndaj Kievit, i cili shkaktoi disa viktima dhe goditi gjithashtu rezidencën e Ambasadorit të Shqipërisë në Ukrainë, duke vënë në rrezik jetën e tij.
Ky sulm i papërgjegjshëm na kujton edhe një herë brutalitetin e luftës së paprovokuar dhe të pajustifikuar të agresionit të Rusisë kundër Ukrainës.
Ne qëndrojmë në solidaritet me Ukrainën dhe Shqipërinë”, shkruhet në postim.
Top Channel
