Lamine Yamal mbërriti në darkën që skuadra e parë mbajti në Casanova Beach Club për të festuar titullin e ligës me trajnerët, pjesën tjetër të stafit dhe presidentin Joan Laporta.
Sulmuesi i Barcelonës, i cili i dha fund lidhjes me këngëtaren argjentinase Nicky Nicole muaj më parë, u shfaq dorë për dore me influencuesen nga Sevilja, Ines Garcia, me të cilën u pa duke shëtitur përgjatë bregdetit grek disa ditë më parë.
Sulmuesi i Barcelonës, i cili vuan një dëmtim, vazhdon rikuperimin e tij duke pasur parasysh Kupën e Botës që do të zhvillohet në Shtetet e Bashkuara, Meksikë dhe Kanada.
Data që ai ka në mendje për rikthimin e tij është e shtuna, 27 qershor, që përkon me ndeshjen Spanjë-Uruguai. “Nuk do të prek asnjë top deri në Kupën e Botës”, tha ai me shaka javën e kaluar në një aktivitet të “King’s League”.
Fjalët e tij pasqyrojnë kujdesin me të cilin ylli i Barçës po i afrohet rikuperimit të tij nga dëmtimi i kofshës së pasme në këmbën e majtë që pësoi kundër Celta Vigos pasi shënoi një penallti të fituar nga ai vetë.
Komunikimi midis Barçës dhe Federatës Mbretërore të Futbollit Spanjoll është duke vazhduar, me marrëveshje të plotë për të mos e rrezikuar Lamine në dy ndeshjet e para kundër kundërshtarëve më të dobët si Kepi i Gjelbër dhe Arabia Saudite nëse nuk është plotësisht në formë.
Top Channel
