Kampion Evrope dhe bote, Federata Spanjolle mban fort De La Fuenten, kërkon rinovimin deri në 2030 21/07 23:31
Skema e ngjyrave
Madhësia e shkrimit
Barcelona mbylli një cikël perfekt të ndeshjeve në shtëpi në këtë sezon në kampionatin spanjoll. Skuadra katalanase iu imponua Betisit në sfidën e javës së parafundit të La Liga me rezultatin 3-1 në atë që ishte ndeshja e Robert Lewandowskit që ishte titullar dhe kapiten i skuadrës në këtë përballje.
Barcelona e zhbllokoi ndeshjen në minutën e 28 me golin e Raphinhas duke marrë avantazhin në 1-0 dhe me këto shifra skuadrat shkuan në pushimin e ndeshjes.
Në pjesën e dytë katalanasit gjetën sërish golin dhe ishte përsëri Raphinha ai që shënoi duke e çuar rezultatin në 2-0. megjithatë pak minuta më vonë, Betisi rihapi llogaritë e ndeshjes teksa fitoi një 11 metërsh që u shndërrua në gol nga Isco për të shkurtuar diferencën në 2-1. Gjithsesi pas vetëm 5 minutash, Barcelona riktheu diferencën e 2 golave teksa me Joao Cancelo e çoi rezultatin në 3-1.
Kur kishin mbetur 7 minuta nga fundi, trajneri Hansi Flick zëvendësoi Lewandowskin me Casado që polaku të merrte nderimin e 60 mijë të pranishmëve në Camp Nou me polakun që nuk i mbajti lotët në momentin që doli nga fusha e lojës. Ndeshja u mbyll me rezultatin 3-1 për Barcelonën që i fitoi të gjitha ndeshjet në shtëpi në këtë sezon.
Top Channel
