Rikthim i papritur, Suarez shprehet i gatshëm për Botërorin, 18 muaj pasi u tërhoq nga kombëtarja 09/05 00:24
Një gol vendimtar i shënuar nga Theo Hernandez në sekondat e fundit të pjesës së parë i ka dhënë fitoren skuadrës së Al Hilal, e cila mundi me përmbysje 2-1 Al Kholood në finalen e madhe të Kupës së Mbretit në Arabinë Saudite.
Ky triumf shënon një moment historik për trajnerin italian Simone Inzaghi, i cili rrëmben kështu trofeun e tij të parë që prej marrjes së drejtimit të klubit.
Ndeshja nisi në mënyrë tronditëse për favoritët e Al Hilal. Që në minutën e 4-t, Al Kholood kaloi në avantazh falë sulmuesit argjentinas Ramiro Enrique. Ai u tregua mjaft gjakftohtë duke shmangur portierin Yassine Bounou dhe duke dërguar topin në rrjetë nga një distancë e afërt, pas një aksioni të shpejtë që kapi në befasi mbrojtjen e Inzaghit.
Pavarësisht goditjes së hershme, Al Hilal nuk e humbi qetësinë dhe nisi të rriste presionin gradualisht. Rezultati u baraspeshua vetëm pak minuta përpara fundit të pjesës së parë. Në minutën e 42-të, ishte Nasser Al-Dawsari ai që gjeti rrugën e rrjetës me një goditje të saktë, duke rikthyer entuziazmin në shkallët e stadiumit.
Atëherë kur dukej se ekipet do të shkonin në dhomat e zhveshjes me rezultatin e barabartë, ndodhi përmbysja e madhe. Gjatë minutave shtesë të pjesës së parë, mbrojtësi i krahut Theo Hernandez u shfaq i pamarkuar në shtyllën e dytë, duke finalizuar saktë dhe duke vulosur fitoren që do të rezultonte përfundimtare për ekipin e tij.
Pas këtij suksesi në kupë, vëmendja e djemve të Simone Inzaghit rikthehet menjëherë te Saudi Pro League. Garë për titullin është më e ndezur se kurrë, me Al Hilal që aktualisht gjendet pesë pikë pas kryesuesve të Al Nassr.
Megjithatë, situata mbetet në dorë të Al Hilal, pasi ata kanë një ndeshje më pak të zhvilluar. Sfida e radhës, e cila pritet të jetë përcaktuese për fatet e sezonit, do të luhet këtë të martë, ku dy rivalët e përjetshëm do të përballen drejtpërdrejt në një duel që premton emocione të forta.
Top Channel
