Trajneri organizoi një mbrëmje në restorant për të festuar kualifikimin në finalen e dytë radhazi të Ligës së Kampionëve dhe ditëlindjen e tij të 56-të. Mirëpo, kur lojtarët mbërritën…
Një finale e Ligës së Kampionëve, e dyta radhazi, padyshim që meriton një darkë festive. Por me Luis Enriquen, edhe një darkë ekipi kthehet në diçka të pazakontë. Trajneri i PSG-së organizoi gjithçka, duke i ftuar lojtarët e tij të mblidheshin mbrëmjen e kaluar në një nga restorantet luksoze të kryeqytetit. Të gjithë erdhën, siç pritej, por në fund, siç raportoi sot gazeta Le Parisien, mungonte vetëm një person: vetë Luis Enrique. Ai pagoi faturën e darkës dhe sot feston 56-vjetorin e lindjes.
Trajneri spanjoll i ftoi lojtarët në “Prunier”, një restorant pranë Harkut të Triumfit, i specializuar për havjar dhe fruta deti. Ky organizim u bë pjesërisht për të vijuar festimet që nisën në Monako, pas sigurimit të kualifikimit për në finalen e Budapestit. Ishte një sukses që shpërbleu frymën e grupit të një skuadre të cilën Luis Enrique e ka modeluar sipas parimeve të tij teknike, taktike dhe mendore. Kjo qasje i ka lejuar ata të luajnë një futboll gjithëpërfshirës, i cili i çoi drejt fitimit të titullit të parë kontinental një vit më parë. Një punë e përditshme e bazuar mbi rregulla të qarta për të gjithë dhe me zero privilegje.
Pikërisht kjo është arsyeja e atmosferës pozitive që mbretëron në dhomën e zhveshjes dhe që më pas pasqyrohet në fushë. Megjithatë, Luis Enrique dëshironte të ndante me ekipin edhe qasjen e tij të veçantë për ditëlindjen e 56-të. Kështu, të gjithë, nga Dembélé te Kvaratskhelia, nga Safonov te Chevalier e Doué, përfshirë edhe talentet e rinj që kanë spikatur gjatë tre viteve të fundit, morën pjesë në darkë. Edhe pse lideri i tyre ishte i vetmi që mungonte, lojtarët festuan kualifikimin dhe ditëlindjen e trajnerit, duke qëndruar në tavolinë deri vonë, pasi e dreqja ishte ditë pushimi. Stërvitjet do të rifillojnë nesër, në prag të ndeshjes kampionale kundër Brest-it.
Top Channel
