Tensione në ndeshjen Tirana-Vllaznia. Bajrami kapet me mbledhësin e topave, Kallaku “tërbohet” me delegatin 06/05 20:26
Klubi i Monaco do të ushtrojë opsionin e blerjes prej 11 milionë eurosh për Ansu Fati, sipas gazetarit Fabrizio Romano. Klubi monegask është i kënaqur me performancën e lojtarit spanjoll dhe për këtë arsye do të paguajë një shumë që i përshtatet në mënyrë të përkryer Barcelonës.
Sipas marrëveshjes, katalanasit do të ruajnë edhe një përqindje të kartonit në rast të rishitjes së sulmuesit në të ardhmen. Sipas burimeve pranë klubit, Monaco ende duhet të negociojë një pagë të re me Ansu Fatin që marrëveshja të finalizohet. Megjithatë, kjo po ecën mirë.
Aktualisht, klubi i paguan atij 250 mijë euro në muaj, një shumë që ata duan ta rinegociojnë për ta ulur, duke pasur parasysh situatën e pasigurt financiare dhe krizën ekonomike që po prek ekipet e Ligue 1 .
Ansu Fati dëshiron të qëndrojë te Monaco dhe është i gatshëm të pranojë një ulje page. Pas disa sezonesh plot lëndime, lojtari i dalë nga akademia e Barcelonës ka rizbuluar formën e tij në Principatë këtë sezon. 11 golat që ai ka shënuar në Ligue 1 janë një hap i parë drejt një rikuperimi të plotë.
Top Channel
