Pas një pritjeje 20-vjeçare dhe një beteje të tensionuar 90-minutëshe, Mikel Arteta nuk e fshehu entuziazmin për arritjen historike të finales së dytë të Ligës së Kampionëve për Arsenalin.
Teksa vlerësoi sakrificën e lojtarëve dhe mbështetjen e tifozëve, tekniku spanjoll theksoi se besimi te grupi dhe vullneti për të dhënë gjithçka në fushë bënë diferencën në këtë përballje vendimtare.
“Është një udhëtim i jashtëzakonshëm; jam i kënaqur dhe i lumtur për lojtarët dhe tifozët tanë,” u shpreh Arteta pas ndeshjes. “Për herë të dytë në historinë tonë jemi në finalen e Ligës së Kampionëve. Për sa i përket pozicionit të Rice në finale, ende nuk e di, pasi së pari duhet të kuptojmë se cilët do të jenë kundërshtarët tanë. Sot ishte një zgjedhje vërtet e vështirë dhe kam provuar shumë opsione në iPad-in tim. Unë besoj shumë te lojtarët tanë dhe në punën që bëjmë; fitorja shpesh varet nga detaje që nuk mund t’i kontrollosh, por kjo skuadër do të japë gjithmonë gjithçka në fushë.”
Top Channel
