53-vjeçari me iniciale P. Dh. është arrestuar nga policia pas një arratie që zgjati 18 ditë. Ai kishte sulmuar fizikisht më 18 prill një të moshuar në një tentativë vjedhjeje në fshatin Pishë Poro në Fier.
Dyshohet se autori është futur i maskuar në banesën e të moshuarit, në fshatin Pishë Poro, e ka dhunuar dhe kanosur me thikë atë, që t’i vidhte një shumë parash, por është larguar pa vjedhur.
NJOFTIMI I POLICISË – Fier/ Tentoi të vidhte para në banesën e një të moshuari, të cilin e dhunoi dhe e kanosi me thikë, kapet dhe vihet në pranga 53-vjeçari në kërkim.
Shërbimet e Komisariatit të Policisë Fier, si rezultat i kontrolleve intensive dhe informacioneve të siguruara në rrugë operative, kanë lokalizuar, kapur dhe ndaluar shtetasin:
-P. Dh., 53 vjeç, banues në fshatin Pishë Poro, Fier.
Ky shtetas ishte shpallur në kërkim pasi dyshohet se në orët e para të datës 18.04.2026, është futur i maskuar në banesën e një të moshuari, në fshatin Pishë Poro, e ka dhunuar dhe kanosur me thikë atë, që t’i vidhte një shumë parash, por është larguar pa vjedhur.
Materialet procedurale iu referuan Prokurorisë, për veprime të mëtejshme, për veprën penale “Vjedhja me dhunë”, mbetur në tentativë.
Top Channel
